تل ابیب/واشنگٹن(این این آئی)اسرائیل نے امریکی کمپنی سے 25ایف-15طیاروں کی خریداری کیلئے 5ارب ڈالر سے زائد کا معاہدہ کرلیا۔غیرملکی میڈیا کے مطابق اسرائیلی فوج نے 5.2ارب ڈالر کے معاہدے کے تحت بوئنگ کمپنی سے 25جدید ایف-15جنگی طیارے خریدنے کا اعلان کیا ہے جن کی فراہمی 2031میں شروع ہوگی۔

معاہدے کے مطابق اسرائیل کو ہر سال 4سے 6طیارے فراہم کیے جائیں گے۔اسرائیلی وزارت دفاع کے مطابق یہ طیارے زیادہ فاصلے اور وزن لے جانے کی صلاحیت رکھتے ہیں، جو اسرائیلی فضائیہ کو مشرق وسطی میں موجودہ اور مستقبل کے چیلنجز کا سامنا کرنے میں مدد دے گی۔ اسرائیل نے حالیہ جنگ کے دوران بھی امریکا سے بڑے پیمانے پر اسلحہ حاصل کیا ہے۔