اسلام آباد (این این آئی) رہنماء پی ٹی آئی شیر افضل مروت نے سلمان اکرم راجہ پر واضح کیا ہے کہ آپ نہ میرے باس ہیں اور نہ ہی مجھے قابو کرنے کا اختیار ہے۔رہنماء پی ٹی آئی شیر افضل مروت نے پارٹی سیکرٹری جنرل سلمان اکرم راجہ کے بیان پر ردعمل میں سوشل میڈیا پر ٹوئٹ کرتے ہوئے کہا ہے کہ آپ نہ میرے باس ہیں اور نہ ہی مجھے قابو کرنے کا اختیار ہے، میرے باس بانی پی ٹی آئی اور بیرسٹر گوہر ہیں، میں انہیں جوابدہ ہوں۔

واضح رہے کہ سیکرٹری جنرل بیرسٹر سلمان اکرم راجہ نے ایک بیان میں کہا تھا کہ شیر افضل مروت کو خود کو قابو میں رکھنا ہوگا، اگر وہ پارٹی میں کوئی کردار ادا کرنا چاہتے ہیں تو ہم انہیں ایک موقع دے رہے ہیں لیکن اگر ان کی جانب سے نظم و ضبط کا مظاہرہ نہ کیا گیا تو ہم ان کے خلاف کارروائی کریں گے۔