ریاض(این این آئی)مسجد نبوی کے امور کی جنرل اتھارٹی نے کہا ہے کہ2024کے دوران اب تک 10 ملین افراد نے روضہ شریفہ (ریاض الجنہ)میں نماز ادا کی ہے۔عرب ٹی وی کے مطابق روضہ شریفہ میں مجموعی طور پر 55 لاکھ 83 ہزار 885 مردوں اور 47 لاکھ 26 ہزار خواتین نے نماز ادا کی۔عداد وشمار میں بتایا گیاہے کہ روضہ شریفہ میں داخلے سے پہلے انتظار کا اوسط وقت 20 منٹ تھا۔

زائرین کی یومیہ تعداد 48 ہزار تک پہنچ گئی جبکہ زائرین کو گیارہ زبانوں میں آگاہی فراہم کی گئی۔یہ اقدامات مسجد نبوی میں زائرین اور نمازیوں کے لیے فراہم کی جانے والی خدمات کو بڑھانے کے لیے مملکت کی قیادت کی خواہشات کے مطابق ہیں۔مسجد نبوی امور کی اتھارٹی نے سکیورٹی اور انتظامی اداروں کے تعاون سے زائرین اور نمازیوں کے لیے روضہ شریفہ میں نماز اور روضہ رسول پر حاضری کے عمل کو آسان بنانے کیلیے کام کیا ہے۔