لاہور( این این آئی)سوشل میڈیا پر پاکستان تحریک انصاف پنجاب کے قائمقام صدر حماد اظہر کی شادی کی خبریں زیر گردش ہیں جس نے صارفین اور تحریک انصاف کے سپورٹرز کو تجسس میں ڈال دیا ہے۔سوشل میڈیا پر پی ٹی آئی رہنما حماد اظہر کی معروف خاتون اینکر پرسن شفا یوسفزئی سے مبینہ دوسری شادی کا دعوی کیا جا رہا ہے۔نجی ویب چینل کے مطابق سینئر صحافی نے اپنے سوشل میڈیا اکائونٹ ایکس پر پیغام جاری کرتے ہوئے دعوی کیا کہ لاہور سے تعلق رکھنے والے تحریک انصاف کے ایک ہینڈسم اعلی عہدیدار نے حال ہی میں ایک خاتون صحافی سے دوسری شادی کر لی ہے ، دونوں کو مبارک ہو۔
حماد اظہر نے صحافی کے دعوے کا جواب دیتے ہوئے کہا کہ نیچے تو میرا نام چل رہا ہے، سب دوستوں کا مجھے ہینڈسم تصور کرنے کا شکریہ لیکن اگر کبھی ایسی بات ہوئی تو آپ سب کو بروقت اطلاع دے دوں گا۔ حماد اظہر نے اپنے جواب کے ساتھ قہقے والی ایموجی کا بھی استعمال کیا۔صحافی نے دبے لفظوں میں پی ٹی آئی رہنما کی ٹوئٹ کا جواب دیتے ہوئے لکھا کہ حماد صاحب لاہور میں ماشااللہ ہینڈسم تو آپ ہی ہیں، انکار کرنا آپ کا حق ہے لیکن میں تو اپنی خبر پر قائم ہوں۔صحافی نے اپنی ٹوئٹ میں اینکر شفا یوسفزئی کا کہیں نام نہیں لیا تاہم اینکر کا نام سوشل میڈیا پر لیا جا رہا ہے۔ مگر اس حوالے سے حماد اظہر اور نہ ہی شفا یوسفزئی کی جانب سے کوئی تصدیق سامنے نہیں آئی۔
