اسلام آباد(این این آئی)رہنما تحریک انصاف سردار لطیف کھوسہ نے کہا ہے کہ ہماری معصومانہ خواہش ہے ادارے آئینی حدود میں کام کریں،بانی پی ٹی آئی ملک میں استحکام چاہتے ہیں۔نجی ٹی وی کے پروگرام میں گفتگوکرتے ہوئے سردارلطیف کھوسہ نے کہا کہ ہم ملک میں آئین کی پاسداری چاہتے ہیں۔انہوںنے کہاکہ خواجہ آصف پرترس آتا ہے،ریحانہ ڈارسے الیکشن ہارے اورفارم47سے جیتے۔

انہوں نے کہاکہ ہماری معصومانہ خواہش ہے ادارے آئینی حدود میں رہ کرکام کریں۔انہوںنے کہاکہ فارم 47کے ذریعے 100کے قریب (ن)لیگ اور پیپلزپارٹی کے امیدواروں کو نشستیں دی گئیں، اتحادی حکومت کی پوری کوشش ہے الیکشن ٹربیونل سے فیصلے نہ ہوں ۔سردار لطیف کھوسہ نے کہا کہ بانی پی ٹی آئی نے کہا وہ کسی سے انتقام نہیں لینا چاہتے، بانی پی ٹی آئی ملک میں استحکام چاہتے ہیں۔