وہاڑی (این این آئی)وہاڑی میں کھیت میں داخل ہونے پر زمیندار نے مبینہ طور پر تین بکریوں کی ٹانگیں توڑ دیں۔وہاڑی کے نواحی گائوں 26 ڈبلیو بی کے رہائشی محمد اسلم ٹاوری نے بتایا کہ اس کی پالتو تین بکریاں گائوں کے زمیندار کے کھیتوں میں چلی گئی تھیں جس پر اس نے مشتعل ہو کر اینٹیں مار مار کر بکریوں کی ٹانگیں توڑ دیں۔
انہوں نے کہاکہ زمیندار کے خلاف کارروائی کیلئے بکریاں ساتھ لے کر تھانہ صدر گیا جہاں سے ویٹرنری ہسپتال بھجوادیا گیا۔پولیس تھانہ صدر کے مطابق بکریوں کی ٹانگیں توڑنے پر میڈیکل کیلئے ڈاکٹ (پولیس کی سرکاری ہسپتال کو زخمی کیلئے درخواست) جاری کر دیا گیا۔ رپورٹ آنے پر کارروائی عمل میں لائی جائے گی۔
