اوکاڑہ(این این آئی)اوکاڑہ کے نواح میں بھابھی کیساتھ زیادتی میں ناکامی پر دیور نے چہرے پر گرم تیل پھینک کر چہرہ جلا دیا۔ تفصیلات کے مطابق اوکاڑہ کے نواحی قصبہ 24جیڈی کے رہائشی علی کی بیوی آسیہ گھر میں اکیلی تھی کہ اچانک علی کا بھائی گھر میں داخل ہوا اور اپنی بھابھی کے ساتھ زبردستی زیادتی کی کوشش کرنے لگا ،

بھابھی آسیہ نے مزاحمت کی تو اسے بالوں سے پکڑ کر تشدد کا نشانہ بنایا اس دوران آسیہ کا خاوند علی رضا گھر میں آیا تو اپنے بھائی علی احمد کو ڈانٹ ڈپٹ کر کے گھر سے نکال دیا جس کی رنجش پر دوسرے روز علی احمد اپنے ساتھی طارق کے ہمراہ گھر میں داخل ہوا اور گرم تیل اپنی بھابھی آسیہ کے چہرے پر پھینک دیا جس سے اس کا چہرہ جھلس گیا پولیس تھانہ صدر اوکاڑہ نے مقدمہ درج کر کے ملزموں کی گرفتاری کے لئے چھاپے مارنے شروع کر دئیے ہیں۔