لاہور ( این این آئی) بدلے کی خاطر سہیلی سے زیادتی کروانے والی ملزمہ کو گرفتار کر لیا گیا ۔ پولیس کے مطابق متاثرہ خاتون اور ملزمہ نجی فیکٹری میں کام کرتی تھیں، ملزمہ اور متاثرہ خاتون کے درمیان 2روز قبل فیکٹری میں آپسی جھگڑا ہوا تھا ۔

ملزمہ یاسمین نے رنجش کی بنا پر اپنے شوہر علی شیر سے مل کر زیادتی کا پلان بنایا، ملزمہ کا شوہر بہانے سے خاتون شمشاد بی بی کے کوارٹر میں داخل ہوا ، میاں بیوی نے ملی بھگت سے خاتون سے زیادتی کی اور موقع سے فرار ہو گئے۔ کوٹ لکھپت پولیس نے جدید ٹیکنالوجی سے ملزمہ کو بھائی کے گھر چوبرجی سے گرفتار کیا ۔ پولیس کا کہنا ہے کہ دیگر ملزم کی گرفتاری کیلئے کارروائیاں جاری، جلد گرفتار کر لیا جائے گا۔