اسلام آباد (این این آئی)آزاد سینیٹر فیصل واوڈا نے کہا ہے کہ ابھی بہت سے مراحل اور کیسز باقی ہیں، چاہے کوئی کتنا ہی آئین اور قانون سے باہر جا کر رعایت دے دے، اس کے باوجود بھی بانی پی ٹی آئی کی رہائی ممکن نہیں ہو گی۔

عدت میں نکاح کیس کے فیصلے پر ردعمل دیتے ہوئے فیصل واوڈا نے کہا کہ پاکستان میں آسانی سے چیزیں ختم نہیں ہوتیں، بانی پی ٹی آئی کا نکاح والا کیس تو شرمناک کیس تھا، لاجک نہیں جیتے گی لاء جیتے گا۔فیصل واوڈا نے کہا کہ یہ شرمناک کیس تھا، ذاتی زندگی کو سیاست میں لائیں یہ گھٹیا چیز ہے، انہوںنے کہا کہ سپریم کورٹ کے فیصلے کے بعد پی ٹی آئی کی مشکلات بڑھ گئیں، مٹھائیاں کھا رہے تھے، آج بھی یہ خوش ہو رہے ہیں بانی پی ٹی آئی باہر آجائیں گے، بانی پی ٹی آئی کا باہرآنے کا کوئی امکان نہیں، ابھی بہت سارے مراحل اور کیسز بھی ہیں۔