اسلام آباد (این این آئی)پاکستان تحریک انصاف نے ترنول جلسہ ملتوی کر دیا ۔پاکستان تحریک انصاف کے رہنماں کے ہمراہ پریس کانفرنس کرتے ہوئے چیئرمین پی ٹی آئی بیرسٹر گوہر نے کہا کہ ہم نے جلسہ ملتوی کر دیا ہے ۔بیرسٹر گوہر نے کہا کہ پی ٹی آئی کا جلسہ عاشورہ کے بعد ہو گا، ہم نے قانون کا سہارا لیتے ہوئے ہائی کورٹ میں پٹیشن دائر کی۔

انہوں نے کہا کہ بانی چیئرمین کے بغیر کوئی سیاسی عمل مکمل نہیں ہو سکتا، ہم نے سیاسی کمیٹی میں فیصلہ کیا ہے آج کا جلسہ ملتوی کر رہے ہیں۔اس موقع پر گفتگو کرتے ہوئے عمر ایوب نے کہا کہ جلسے میں اسلام آباد انتظامیہ نے اجازت دے رکھی تھی، رات پولیس آئی اور جلسے کا علاقہ سیل کر دیا۔عمر ایوب نے کہا کہ ڈی سی اسلام آباد نے آرڈر پر دستخط کیے ہوئے تھے، عدالت کے احکامات کے باوجود رات گئے جلسے سے سامان اٹھایا، خود ہی ترنول کی جگہ ہمیں جلسہ کے لیے دی تھی، پی ٹی آئی کارکنان کے ڈر سے این او سی معطل کیا۔