گروزنی(نیوز ڈیسک)دنیا میں بے شمار ایسے خطروں کے کھلاڑی پائے جاتے ہیں جو اپنی مہارت کا لوہا منوانے کیلئے اپنی جان کی بازی لگانے سے بھی گریز نہیں کرتے۔چیچنیا کے صدر رمضان قادریوف کا شمار بھی اب ایسے ہی بازیگروں میں کیا جاسکتا ہے جنہوں نے خطرناک مگرمچھ سے لڑائی کر کے خود کو خطروں کا کھلاڑی ثابت کردیا ہے۔39سالہ رمضان قادر یوف نے پانی میں ایک بڑے مگرمچھ کو دیکھاتو ڈرنے کے بجائے اس کے قریب جا پہنچے اور مگرمچھ کو پکڑ کر اس سے لڑائی کرنے لگے، رمضان قادر نے مگر مچھ سے لڑائی کی ویڈیو سوشل میڈیا پر جاری کی ہے جس نے انٹرنیٹ پر دھوم مچادی ہے۔