کراچی (این این آئی) ٹرانسپورٹ مافیا نے عید الاضحی کے موقع پر کرایوں میں اضافہ کردیا۔تفصیلات کے مطابق عید کے نام پر پبلک ٹرانسپورٹ مافیا نے کرایوں میں من مانا اضافہ کردیا، کراچی سمیت سندھ کے دیگر شہروں میں اپنے پیاروں کے ساتھ عید منانے والے دونوں ہاتھوں سے لٹنے پر مجبور ہوگئے۔

ذرائع کے مطابق لاڑکانہ جانے والے مسافروں سے 1500 کے بجائے 2500 روپے کرایہ لیا جا رہا ہے جبکہ نواب شاہ جانے والے مسافر سے بھی 500 اضافی کرایہ لیا جارہا ہے۔اسلام آباد کا کرایہ 5 ہزار ہے، لیکن ٹرانسپورٹ مافیا مسافروں سے 7000 تک کرایہ وصول کررہے ہیں جبکہ حیدرآباد کا کرایہ 500 روپے ہے لیکن مسافروں سے ایک ہزار روپے لیا جا رہا ہے۔