راولپنڈی (این این آئی)بانی پی ٹی آئی کا اڈیالہ جیل میں طبی معائنہ کیا گیا جبکہ بشری بی بی نے خون دینے سے انکار کردیا۔ تفصیلات کے مطابق عدالتی حکم پر اڈیالہ جیل میں شوکت خانم ہسپتال کے ڈاکٹر فیصل سلطان کی نگرانی میں طبی ٹیم نے بانی پی ٹی آئی کا معائنہ کیا جبکہ پمز اسپتال کے عملے نے ضروری بلڈ ٹیسٹ کیلئے خون کے نمونے بھی حاصل کئے۔
اس دوران ڈاکٹر فیصل سلطان اور بانی پی ٹی آئی کے اصرار کے باوجود بشری بی بی خون کے نمونے دینے کیلئے راضی نہ ہوئی۔ذرائع کے مطابق بانی پی ٹی آئی کے بلڈ ٹیسٹ کی رپورٹس اور ڈاکٹر وں کی تحریری رائے احتساب عدالت میں پیش کی جائے گی۔
