لاہور( این این آئی)صوبائی دارالحکومت کے علاقہ شاہدرہ میں میں خاتون نے شوہر کے طلاق دینے پر دو بیٹیوں سمیت خودکشی کرنے کی کوشش کی ،واقعے میں ایک بیٹی دم توڑ گئی جبکہ ماں اور دوسری بیٹی کی حالت تشویشناک ہے ۔ پولیس کے مطابق افسوس ناک واقعہ پیپلز کالونی شاہدرہ میں پیش آیا، خاتون کا خاوند دبئی میں رہائش پذیر ہے، خاوند نے 14 سال بعد طلاق دی جس پر خاتون نے دو بیٹیوں سمیت خودکشی کی کوشش کی۔ پولیس کا کہنا ہے کہ تینوں کو تشویشناک حالت میں میو ہسپتال منتقل کیا گیا تاہم ایک بیٹی جانبر نہ ہوسکی جبکہ دوسری بیٹی اور خاتون کی حالت تشویش ناک ہے ۔ پولیس نے واقعہ کی تحقیقات کا آغاز کر دیا ہے ۔