اسلام آباد(این این آئی)سابق وفاقی وزیر علی زیدی نے کہاہے کہ مجھے میرے دوستوں نے دستخط سے پارٹی سے نکالا، مجھے انہوں نے نکالا جنہیں ہم پارٹی میں لائے تھے۔نجی ٹی وی سے گفتگو کرتے ہوئے علی زیدی نے کہا کہ میں کبھی استحکام پاکستان پارٹی کا حصہ نہیں رہا نہ میں نے انتخابات لڑا، علیم خان کے گھر کھانا کھانے گیا تھا۔علی زیدی نے کہاکہ علیم خان کے گھر کہا تھا مشاورت کے بعد بتائوں گا، پھر رات گئی بات گئی۔سابق وفاقی وزیر نے یہ بھی کہا کہ ہم سب 9مئی کی مذمت کرتے ہیں، بانی تحریک انصاف جیل سے 9 مئی کی مذمت کرتے ہیں۔