اسلام آباد (این این آئی)اسلام آباد میں شادی شدہ جوڑے میرج سرٹیفکیٹ چند ہی گھنٹوں میں حاصل کر سکیں گے۔ یہ فیصلہ ڈی سی اسلام آباد عرفان میمن کی زیر صدارت اجلاس میں میں کیا گیا ۔اجلاس میں اسسٹنٹ ڈائریکٹر لوکل گورنمنٹ اور متعلقہ افسران نے شرکت کی ۔ ڈی سی اسلام آباد نے کہاکہ یونین کونسلز، لوکل گورنمنٹ دفاتر اور خدمت مراکز میں میرج سرٹیفکیٹ جاری کیے جائیں گے۔ عرفان میمن نے ہدایت کی کہ دفاتر میں شہریوں کی آگاہی کے لیے تشہیری مہم بھی کی جائے۔ڈی سی نے ہدایت کی کہ شہریوں کو چند ہی گھنٹوں میں میرج سرٹیفکیٹ کی فراہمی یقینی بنائی جائے۔