لاہور ( این این آئی) گھریلو کنکشن کے لئے ایل این جی کی بنیاد پر ڈیمانڈ نوٹسز کی فیس مقرر کردی گئی ۔ ذرائع کے مطابق گھریلو کنکشن کے لئے 15600سے لیکر 18 ہزار روپے تک فیس مقرر کردی گئی ۔ دس مرلے تک کے گھر کے لئے 15600روپے کا ڈیمانڈ نوٹس جمع کروانا ہو گا، جبکہ دس مرلے سے زائد اراضی پر18ہزار ڈیمانڈ نوٹس کی مد میں ادا کرنا ہوں گے ۔

ایل این جی کی بنیاد پر نیٹ ورکنگ کی حامل سوسائٹیز میں کنکشن دیئے جارہے ہیں۔ قدرتی گیس اورکمپنی کے نیٹ ورک پر کنکشن لگانے کی پابندی برقرار رہے گی۔ صارفین کی جانب سے درخواست ملنے کیساتھ ہی ڈیمانڈنوٹس دینے کا آغاز کر دیا گیا۔ اوگرا سے منظوری ملنے کے بعد سوئی ناردرن نے کنکشن لگانے کاآغاز کیا۔