راولپنڈی (این این آئی)بانی پی ٹی آئی نے کہا ہے کہ چیئرمین پی اے سی کے نام کیلئے مجھے مشاورت ہی نہیں کرنے دی جارہی ہے ۔بانی پی ٹی آئی نے اڈیالہ جیل میں صحافیوں سے گفتگو کی۔اس دواران ایک صحافی نے سوال کیا کہ آپ کی پارٹی میں چیئرمین پی ایسی معاملے پر تنازع چل رہا ہے، آپ نے شیر افضل مروت کو نامزد کیا ہے کیا وہی نام فائنل ہے؟ بانی پی ٹی آئی نے جواب میں کہا کہ پی اے سی چیئر مین شپ پر مشاورت کے بعد جواب دوں گا۔

بانی سے سوال کیا گیا کہ کیاشیر افضل مروت کانام واپس لے لیا گیاہے؟ کون سانیانام تجویزکیاہے؟ جس پر بانی پی ٹی آئی نے کہا کہ چیئرمین پی اے سی کیلئے ابھی کوئی نام فائنل نہیں کیا،(آج) منگل تک کرلیں گے۔بانی پی ٹی آئی سے ایک اور سوال کہ آپ کسی کو نامزد کرتے ہیں، پارٹی لیڈر شپ نہیں مانتی، پارٹی میں کیا چل رہاہے؟بانی پی ٹی آئی نے جواب میں کہا کہ ہم نے شیرافضل مروت کانام دیاتھالیکن ابھی مزید مشاورت کر رہے ہیں؟