پاکستانی نوجوانوں نے سڑکوں پر پھنسے200سے زائد اماراتی شہریوں کو گھر پہنچایا، 80سے زائد گاڑیوں کو ریسکیو کیا
دبئی(این این آئی)دبئی اور شارجہ کی شدید بارشوں میں پاکستانی نوجوان مدد کرنے میں سب سے آگے نظر آئے، 5پاکستانی نوجوانوں کے مدد کے جذبے کو خوب سراہاجارہا۔پاکستانی نوجوانوں نے بارش کے دوران عوامی خدمت کی بہترین مثال قائم کردی، سوشل میڈیا پر ویڈیوز وائرل ہوگئیں۔ پاکستانی نوجوانوں نے سڑکوں پر پھنسے200سے زائد اماراتی شہریوں کو گھر پہنچایا، 80سے زائد گاڑیوں کو ریسکیو کیا۔نوجوانوں نے لوگوں کو پانی اور کھانا فراہم کیا،پاکستانی نوجوانوں کے مدد کے جذبے کو خوب سراہا گیاجارہاہے۔