لاہور ( این این آئی) ایچی سن کالج کے پرنسپل مائیکل اے تھامسن کا گورنر ہائوس سیکریٹریٹ کے نام لکھا گیا خط سامنے آگیا ۔خط میں کہا گیا ہے کہ گزشتہ 8برس میں کسی بچے کے والدین نے طویل رخصت کی پالیسی پر اعتراض نہیں کیا، ماضی میں پالیسی کے تحت طویل رخصت کی فیس لینے کے بعد بچوں کے داخلے بحال کیے گئے۔
پرنسپل کی جانب سے لکھے گئے خط میں کہا گیا کہ بورڈ آف گورنرز کے کسی بھی اجلاس میں طویل رخصت کی پالیسی میں ترمیم نہیں کی گئی، طویل رخصت کے معاملے کو بورڈ آف گورنرز کے اجلاس میں رکھنے کے لئے تین خط لکھے گئے۔خط کے متن میں مزید کہا گیا کہ فیس کے بغیر بچوں کو داخلہ دینا کالج پالیسی کی سراسر خلاف ورزی تھا۔
