اسلام آباد(این این آئی)سنی اتحاد کونسل میں شمولیت پر پاکستان تحریک انصاف میں اختلاف سامنے آگئے۔تفصیلات کے مطابق پی ٹی آئی رہنما شیر افضل مروت اور علی ظفر نے سنی اتحاد کونسل میں شامل ہونے کا فیصلہ غلط قرار دیا جبکہ پی ٹی آئی چیئرمین بیرسٹر گوہر نے فیصلے کو درست قرار دے دیاہے۔
بیرسٹر گوہر نے کہا کہ سنی اتحاد کونسل میں شمولیت کا فیصلہ اس وقت کے حالات میں بالکل درست فیصلہ تھا۔ اڈیالہ جیل میں 190ملین پائونڈ کیس کی سماعت کے بعد گفتگو میں بیرسٹر گوہر نے کہا کہ وہ آج بھی اس فیصلے پر قائم ہیں، سنی اتحاد کونسل میں شامل ہونے کا فیصلہ بہت سوچ سمجھ کر کیا گیا تھا۔پی ٹی آئی چیئرمین نے کہاکہ اس وقت مختلف سیاسی جماعتوں سے مذاکرات میں کیا ہوا وہ حقائق بتا سکتا ہوں۔
