لاہور ( این این آئی)صحت کارڈ منصوبے میں بے ضابطگیوں کے خلاف قرارداد پنجاب اسمبلی سیکرٹریٹ میں جمع کر ادی گئی ۔قرارداد کے متن میں کہا گیا ہے کہ صحت کارڈ منصوبے میں بڑے پیمانے پر بے ضابطگیوں کا انکشاف ہوا ہے جس کے مطابق پنجاب میں من پسند نجی ہسپتالوں کو اربوں روپے کی ادائیگیاں کی گئی ہیں، اس حوالے سے گزشتہ روز ایک رپورٹ بھی منظر عام پر آئی ہے،صحت کارڈ منصوبے کی آڑ میں سابقہ حکومت نے اپنے فنانسرز کو نوازا ہے۔ مطالبہ ہے کہ صحت کارڈ منصوبے کی تمام تفصیلات قوم کے سامنے لائی جائیں۔