اسلام آباد (این این آئی)پاکستان تحریک انصاف کے رہنما شیر افضل مروت نے دعویٰ کیا ہے کہ بانی پی ٹی آئی عمران خان نے پبلک اکانٹس کمیٹی کی چیئرمین شپ کے لیے ان کو نامزد کردیا ہے۔سماجی رابطے کی ویب سائٹ ایکس پر بیان جاری کرتے ہوئے شیر افضل مروت نے بتایا کہ میں پی ٹی آئی کے بانی چیئرمین عمران خان کی جانب سے اپنے اوپر کیے گئے غیر متزلزل اعتماد کے لیے انتہائی مشکور ہوں۔
انہوں نے کہا کہ وہ اس بات کو یقینی بنائیں گے کہ ٹریژری بینچوں کی طرف سے خرچ کیے جانے والے سرکاری خزانے کے ایک ایک روپے کا حقیقی معنوں میں حساب کیا جائے اور اس بات کو یقینی بنایا جائے کہ پورے وفاقی عوامی اخراجات کے حقیقی فوائد ان کے اصل اور منصفانہ وصول کنند گان تک پہنچیں۔شیر افضل مروت نے کہاکہ میں اپنے ساتھیوں کو اس بات کی یقین دہانی کرواتا ہوں کہ وہ اس بات پر بھروسہ رکھیں کہ میں انہیں کبھی مایوس نہیں کروں گا۔
