اسلام آباد (این این آئی)یورپ کیلئے پاکستانی ایئرلائنز کی پروازوں کی بحالی سے متعلق اہم پیشرفت ہوئی ہے۔ ڈپٹی ڈائریکٹر جنرل (ڈی جی)سول ایوی ایشن اتھارٹی (سی اے اے)نادر شفیع نے کہا کہ پاکستانی ایئرلائنز کی بحالی کا معاملہ یورپی ایئرسیفٹی کمیٹی کے مئی کے اجلاس میں شامل کرلیا گیا۔ انہوں نے بتایا کہ پاکستان سی اے اے کے اقدامات پر بھی اجلاس میں غور ہوگا۔

پی آئی اے سمیت تمام پاکستانی ایئرلائنز کے یورپ میں بحالی کیلئے پرامید ہیں ادھر ذرائع کے مطابق یورپی کمیشن اور یورپی ایوی ایشن ایجنسی نے اپنا فیصلہ یورپین ایئر سیفٹی کمیٹی کو بھیج دیا ہے۔ آیاسا نے سی اے اے اور پی آئی اے کا فائنل آن سائٹ آڈٹ نومبر 2023 میں کیا تھا۔ آیاسا کو پاکستان سی اے اے کے اوور سائٹ سیفٹی معیار پر اعتراضات تھے۔ذرائع نے بتایا کہ 4 برس میں آیاسا اور اکا کے ساتھ پاکستان سی اے اے نے کئی تکنیکی سیشن کیے۔