اسلام آباد (این این آئی) پاکستان تحریک انصاف کے رہنما شیر افضل مروت نے صدارتی امیدوار محمود خان اچکزئی کی کامیابی کا دعویٰ کرتے ہوئے کہا ہے کہ اصلی ووٹوں سے محمود خان اچکزئی کو صدر بنائیں گے۔اپنے بیان میں شیر افضل مروت نے واضح کیا کہ مولانا فضل الرحمن کے محمود اچکزئی کے ساتھ دیرینہ تعلقات ہیں، فضل الرحمن کو صدارتی الیکشن میں آصف زرداری کو ووٹ دینے کے لیے 10 مرتبہ سوچنا پڑے گا۔
انہوں نے کہا کہ کوشش کر رہے ہیں کہ صدارتی انتخاب میں حریف کو ٹف ٹائم دیں، امکانات روشن ہیں کہ صدارتی الیکشن جیت جائیں گے۔انہوں نے کہاکہ ایسی قیادت کی ضرورت تھی جو دراڑوں کو پْرکر سکے، پاکستان کے مسائل پارلیمنٹ کو حل کرنے ہیں۔
