کراچی(این این آئی)کراچی میں جمعہ کو ہونے والی بارش نے سردی کی شدت میں اضافہ کر دیا۔ مارچ کا سرد ترین زیادہ سے زیادہ درجہ حرارت کا ریکارڈ 19 ڈگری 43 سالہ کا ریکارڈ ٹوٹ گیا۔کراچی کے مختلف علاقوں میں گزشتہ روز مغربی سسٹم سے برسنے والی بارش کے باعث ہفتہ کو شہر میں سردی کی لہر دوڑ گئی۔محکمہ موسمیات کے چیف میٹرولوجسٹ سردار سرفراز نے پیشگوئی کی ہے کہ شہر میں 4 مارچ تک سردی برقرار رہنے کا امکان ہے۔

تاہم کراچی میں مزید بارش کا کوئی امکان نہیں ہے، ہوائوں کی رفتار 30 سے 40 کلومیٹر فی گھنٹے تک جاسکتی ہے، سردی کی لہر اگلے 48 سے 72 گھنٹے تک شہر کو لپیٹ میں لئے رکھے گی۔سردار سرفراز کے مطابق کراچی میں ہفتہ کوکم سے کم درجہ حرارت 14.5 ڈگری سینٹی گریڈ ریکارڈ کیا گیا۔مارچ کا سرد ترین کم سے کم درجہ حرارت کا ریکارڈ 7 ڈگری 9 مارچ 1979 کو ریکارڈ ہوا تھا۔