لاہور(این این آئی)وزیراعلیٰ پنجاب مریم نواز کے شوہر کیپٹن (ر)محمد صفدر نے صحافی کے اہلیہ کی ہیلپ سے متعلق پوچھے گئے سوال پر جواب میں کہاہے کہ ہم تو 33سال سے ہیلپ ہی کر رہے ہیں۔لاہور میں مریم نواز کی حلف برداری کے موقع صحافی نے کیپٹن (ر)صفدرسے پوچھا کہ کیا آپ پنجاب کے کاموں میں اپنی اہلیہ کی مدد کریں گے؟جس کے جواب میں انہوں نے کہاکہ ہم تو 33برس سے ہیلپ ہی کررہے ہیں۔کیپٹن صفدر نے کہا کہ پنجاب کو مریم نواز کے ابو نواز شریف اور چچا شہباز شریف نے بھی بہت اچھے طریقے سے چلایا۔انہوں نے کہا کہ اللہ تعالی اب بھی پنجاب کے حق میں بہت بہتر کرے گا۔