لاہور (این این آئی)بانی پاکستان تحریک انصاف کی بہنیں عظمٰی خان اور علیمہ خان انسداد دہشتگردی عدالت میں پی ٹی آئی کی سابق رہنما مسرت جمشید چیمہ پر برس پڑیں۔ مسرت جمشید چیمہ نے عمران خان کی بہنوں کو مقدمات اور روپوش ہونے کے دوران تکالیف سے آگاہ کیا جس پر عظمیٰ خان اور علیمہ خان نے مسرت جمشید چیمہ کو ڈانٹ پلا دی۔
علیمہ خان نے کہا کہ جب میرے بھائی کو ضرورت تھی تب آپ لوگ چھپے ہوئے تھے، جب پارٹی پر مشکل وقت تھا تو آپ نے پریس کانفرنس کی۔علیمہ خان نے کہا کہ جب بانی پی ٹی آئی کو ضرورت تھی تب آپ مشکل وقت میں ساتھ چھوڑ گئیں ، آپ تو بانی پی ٹی آئی کی سب سے قریب ترین تصور کی جاتیں تھیں اور آج آپ مجھے مجبوریاں سنا رہی ہیں۔انہوں نے کہا کہ سیاستدان تو جیل کے بغیر نامکمل تصور کیے جاتے ہیں۔مسرت جمشید چیمہ علیمہ خان اور عظمیٰ خان کی باتیں سن کر خاموش ہو گئیں۔
