اسلام آباد (این این آئی) سابق ڈپٹی سپیکر قومی اسمبلی قاسم سوری نے دھمکی دیتے ہوئے کہا ہے کہ اگر بشری بی بی کو کچھ ہوا تو سب کا بدترین حشر ہوگا۔ تفصیلات کے مطابق سوشل میڈیا سائٹ ایکس پر بیان میں رہنماء پی ٹی آئی قاسم سوری نے دعویٰ کیا کہ بانی پی ٹی آئی کی اہلیہ بشری بی بی کی طبیعت ناساز ہے۔
انہوں نے کہا کہ بشری بی بی کے طبی معائنے پر پابندی لگائی گئی ہے، ایک بار پھر وارننگ دے رہا ہوں کہ بشری بی بی کی طبیعت ٹھیک نہیں ہے،اگر بشری بی بی کو کچھ ہوا تو کھانے میں غلط چیز ڈال کر کھلانے ، طبی معائنے پر پابندی لگانے والوں کا بدترین حشر ہوگا ۔
