اسلام آبا د(این این آئی)بانی پاکستان تحریک انصاف نے پی ٹی آئی پارلیمنٹرینز کے ساتھ اتحاد سے انکار کردیا۔اپنے بیان میں رہنما تحریک انصاف علی محمد خان نے کہاکہ پرویر خٹک کی جماعت کے بارے میں کچھ افواہیں اڑائی جارہی ہیں۔انہوں نے کہا کہ بانی پی ٹی آئی نے ملاقات میں پی ٹی آئی پارلیمنٹیرینز سے کوئی بھی الائنس خارج ازامکان قرار دیا تھا۔علی محمد خان نے کہا کہ اس ملاقات میں عامر ڈوگر صاحب اور سردار لطیف کھوسہ موجود تھے۔
رہنما تحریک انصاف نے کہاکہ پی ٹی آئی پارلیمنٹرینز سے کسی اتحاد کا کوئی سوال ہی پیدا نہیں ہوتا۔انہوںنے کہاکہ تحریک انصاف خیبر پختونخوا میں اللّٰہ کے کرم سے اپنے دم پر حکومت بنائے گی، پی ٹی آئی بانی پی ٹی آئی کے نام پہ عوام کے دیے گئے مینڈیٹ اور تحریک انصاف کے نظریہ کی حفاظت کرے گی۔
