اسلام آباد (این این آئی)پاکستان تحریک انصاف نے کہا ہے کہ مسلم لیگ (ن) کے لیے بہترین آپشن یہ ہے کہ وہ اپنی شکست کو خوش اسلوبی سے قبول کرلے اور بانی پی ٹی آئی عمران خان کو ملک ٹھیک کرنے دیں۔

ایکس پر پی ٹی آئی کے آفیشل اکائونٹ کی ایک پوسٹ میں سوال کیا گیا کہ کیا مسلم لیگ (ن) میں سے کوئی یہ بتا سکتا ہے کہ کیسے مسلم لیگ (ن)صرف 17 نشستیں جیت سکی اور اخبارات میں نواز شریف کو وزیراعظم قررا دینے والی شہہ سرخیوں کا اب کیا کرنا ہے؟واضح رہے کہ نواز شریف نے اپنے بھائی اور صدر مسلم لیگ (ن)شہباز شریف کو وزارت عظمیٰ کے لیے نامزد کردیا ہے۔