اسلام آباد(این این آئی)الیکشن کمیشن کی جانب سے قومی اسمبلی کی مزید دو نشستوں پر کامیاب امیدواروں کے نوٹیفکیشن جاری کر دئیے گئے ہیں۔منگل کوقومی اسمبلی کے حلقہ این اے 128لاہور سے استحکام پاکستان پارٹی کے عون چوہدری کی کامیابی کا نوٹی فکیشن جاری کیا گیا ہے۔اس کے علاوہ این اے 11شانگلہ سے مسلم لیگ (ن)کے امیر مقام کی کامیابی کا نوٹی فکیشن بھی الیکشن کمیشن نے جاری کر دیا ہے۔الیکشن کمیشن نے دونوں نشستوں کے تفصیلی گزٹ نوٹیفکیشن بھی جاری کر دئیے۔واضح رہے کہ اب تک قومی اسمبلی کی7نشستوں پر کامیابی کے نوٹی فکیشن جاری ہوچکے ہیں۔