لاہور ( این این آئی) مسلم لیگ (ن) کے سینئر رہنما خواجہ آصف نے کہا ہے کہ بیرسٹر گوہر جو مرضی کہیں، میں پرامید ہوں کہ نواز شریف ہی وزیراعظم ہوں گے۔رہنما (ن) لیگ خواجہ آصف نے گفتگو کرتے ہوئے کہا کہ سیاست امکانات کا کھیل ہے، ہمارے یہاں کوئی الیکشن تنازعات کے بغیر نہیں ہوا۔لیگی رہنما کا مزید کہنا تھا کہ ہمارے ووٹر صبح 9 بجے پولنگ اسٹیشن پہنچ چکے تھے، موبائل فون بند پر ہم نے متبادل انتظام کیا ہوا تھا۔انہوں نے کہا کہ پی ٹی آئی کے ووٹر بڑی تعداد میں نکلے، ہوسکتا ہے ہمارے ووٹر نے آسان لیا ہو۔