کراچی (این این آئی)پاکستان تحریک انصاف کے سینئر رہنما اور پی ایس 85کے سابق امیدوار ایاز علی سیال نے پاکستان پیپلز پارٹی کراچی ڈویژن کے سابق صدر اور پی ایس 110کلفٹن ڈیفنس کے علاقے کے امیدوار سید نجی عالم سے خصوصی ملاقات کی اور ساتھ پاکستان پیپلز پارٹی میں شمولیت بھی اختیار کی ۔
اس موقع پر ایاز علی سیال نے کہا کہ پیپلز پارٹی میرا پرانا گھر ہے ہمارے گھر کے بڑے بزرگوں نے پیپلز پارٹی کے لیے بہت قربانیاں دی ہیں آج مجھے ایسا محسوس ہورہا کہ میں ایک بار پھر اپنے پرانے میں آگیا ہوں ملاقات کے موقع پرپیپلز پارٹی کے سینئر رہنما حاجی عزیز کوریجو سمیت کارکنان کی ایک بڑی تعداد مووجود تھی ۔
