صوابی(این این آئی)موضع تورڈھیر میں شوہر نے میکے بیٹھی بیوی کے بھائی کو فائرنگ کرکے قتل کر دیا ۔اکبر علی سکنہ تورڈھیر نے ایف آئی آر درج کراتے ہوئے بتایا کہ ان کی بیٹی کی شادی 9-10 سال سال قبل اسد ولد نور الرحمن سکنہ سٹیشن روڈ جہانگیرہ کے ساتھ ہوئی تھی گھریلو ناچاقی کی بنا پر میکے گھر بیٹھی تھی گزشتہ روز اسد کی والدہ ہمارے گھر آکر بتایا کہ میرا بیٹا اسد بچوں کو دیکھنے کے لیے آیا ہے جو باہر موجود ہے جب میرا بیٹا عبدالوہاب بچوں کو والد اسد کو دکھانے کے لیے باہر لایا تو اسد نے فائرنگ شروع کردی جس کے نتیجے میں میرا بیٹا عبدالوہاب شدید زخمی ہوا جو بعد ازاں زخموں کی تاب نہ لا کر چل بسا ملزم نے والدہ کی ایما پر عبدالوہاب کو قتل کر دیا ہے تورڈھیر پولیس نے مقتول کے والد کی رپورٹ پر ایف آئی آر درج کرکے تفتیش شروع کردی ہے۔