کراچی (این این آئی)صوبائی دارالحکومت کراچی والوں کیلئے محکمہ موسمیات نے خوشخبری سنا دی، شہر میں 3 اور 4 فروری کو گرج چمک کے ساتھ بارش کا امکان ہے۔ محکمہ موسمیات نے بتایا کہ نئی مغربی لہر یکم فروری سے بلوچستان میں داخل ہونے کا امکان ہے، کراچی میں جمعہ کی شب کو بونداباندی کا امکان ہے۔محکمہ موسمیات کے مطابق شہر میں 3 اور 4 فروری کو گرج چمک کے ساتھ بارش ہوسکتی ہے جس سے سردی میں مزید اضافہ ہوسکتا ہے۔اس کے علاوہ سندھ کے اندرون شہر جامشورو، دادو، لاڑکانہ اور دیگر علاقوں میں 2 سے 3 فروری کو بارش متوقع ہے۔