نارووال( این این آئی)ظفروال میں دو مسیحی خاندانوں کے آٹھ مرد و خواتین نے جمعہ کے اجتماع میں اسلام قبول کر لیا ۔ تفصیلات کے مطابق ظفروال میں موجود بستی عیسائیاں کے اعجاز مسیح اور البرٹ مسیح کے اہل خانہ نے اسلام کی روشن تعلیمات سے متاثر ہوکر مرکزی جامع مسجد مولانا عبدالحق رح میں جمعتہ المبارک کے بڑے اجتماع کے سامنے معروف عالم دین و خطیب مفتی شکیل احمد نقشبندی کے ہاتھ پر اسلام قبول کرلیا ۔

دو خاندانوں کے 8افراد نے اسلام قبول کیا ،ان کے نام اعجاز مسیح سے محمد اعجاز ،شہباز مسیح سے محمد شہباز ، ترزہ مسیح سے خدیجہ ،البرٹ مسیح سے مختارالدین،شمعون مسیح سے حسین احمد ، رخسانہ مسیح سے رخسانہ ، افشین سے عائشہ ،اروشنہ سے فاطمہ رکھا گیا ۔ میڈیا نمائندگان سے گفتگو کرتے ہوئے انہوں نے کہا کہ ہم اپنی خوشی سے اسلام قبول کر رہے ہیں۔