کراچی (این این آئی)پاکستان تحریک انصاف (پی ٹی آئی)کے گرفتار رہنماحلیم عادل شیخ نے پیشی کے موقع پر کہاہے کہ انہیں مجھے ایڈز کے مریضوں والے وارڈ میں بند رکھا ہوا ہے۔جمعہ کوانسداد دہشتگردی عدالت میں 9مئی کے واقعات کے مقدمات کی سماعت ہوئی جس میں حلیم عادل شیخ پیش ہوئے۔

حلیم عادل شیخ نے عدالت کو بتایا کہ قانون کے مطابق جیل میں جو سہولت فراہم کرنی چاہیے وہ نہیں دی جارہی، میرے خلاف کئی مقدمات درج ہیں، وکلا سے ملاقات کی اجازت نہیں۔انہوں نے کہا کہ ہم ملک کے قانون، نظام اور اداروں کے ساتھ کھڑے ہیں۔عدالت نے حلیم عادل شیخ کو جیل میں ملنے والی سہولتوں کی تفصیلات طلب کرلیں۔