راولپنڈی(این این آئی)بانی پی ٹی آئی کی بہن علیمہ خان نے کہاہے کہ بانی پی ٹی آئی بار بار کہہ رہے ہیں کہ سی سی ٹی وی فوٹیج کس نے چوری کی؟۔راولپنڈی کی اڈیالہ جیل کے باہر بانی پی ٹی آئی کی بہن علیمہ خان نے میڈیا سے گفتگو کرتے ہوئے کہا کہ پریشان کن صورت حال یہ ہے کہ کسی کو پرواہ نہیں کہ کیس کیسے چل رہے ہیں۔

انہوں نے کہاکہ ایسا لگ رہا ہے کہ ان کو یہ تاریخ دی گئی ہے کہ اس دن فیصلہ سنا دینا ہے، 15اگست کو بانی پی ٹی آئی کو غیر قانونی طور پر گرفتار کیا گیا۔علیمہ خان نے کہا کہ الیکشن کمیشن نے جلدی سے بانی پی ٹی آئی کو نا اہل کر دیا ہے،سپریم کورٹ سے کہتے ہیں کہ ہماری اپیل سنی جائے۔انہوں نے کہا کہ بانی پی ٹی آئی باربار کہہ رہے ہیں کہ سی سی ٹی وی فوٹیج کس نے چوری کی؟ پاکستان میں تمام اداروں کے دفاتر میں کیمرے موجود ہیں۔