ملتان(این این آئی)ملتان میں پی ٹی آئی سینئر رہنما اور سابق وزیر خارجہ شاہ محمود قریشی کے گھر پر پولیس نے چھاپہ مارا اور گھر کی مکمل تلاشی لی اور4ملازمین حراست میں لے لیے گئے۔تفصیلا ت کے مطابق پی ٹی آئی کے سابق وائس چیئرمین شاہ محمود قریشی کے گھر پر پنجاب پولیس کی جانب سے چھاپہ ماراگیا۔

ترجمان شاہ محمود قریشی نے دعویٰ کیاکہ پولیس کی جانب سے گھر کی مکمل تلاشی کے بعد 4ملازمین کو حراست میں لے لیا گیا۔ترجمان نے بتایا کہ چھاپے کے وقت زین قریشی اور مہربانو قریشی گھر پر موجود نہیں تھے۔تاہم اس حوالے سے پولیس کی جانب سے تاحال کوئی بیان جاری نہیں کیا گیا۔