لاہور( این این آئی)پنجاب ڈیزاسٹر مینجمنٹ اتھارٹی نے 25سے 28جنوری تک پنجاب کے مختلف علاقوں میں بارش کا امکان ظاہر کر دیا ۔ ترجمان کے مطابق ڈی جی خان، بہاولپور، ملتان ، راولپنڈی اور گوجرانوالا ڈویژن کے بیشتر علاقوں میں بارش ہو گی۔پنجاب کے میدانی علاقے جنوری کے آخری ہفتے بھی دھند کی لپیٹ میں رہیں گے۔ مری اور گردونواح بارش اور برف باری متوقع ہے۔

ترجمان پی ڈی ایم اے کے مطابق مری میں سیاحوں کی سہولیات کے لئے 13فسیلیٹیشن سنٹرز قائم کیے گئے ہیں ۔ بارشوں کے سلسلے سے وبائی امراض میں کمی ہو گی ۔سیاحوں سے گزارش ہے کہ سفر سے پہلے موسم کی صورتحال کا جائزہ لیں ۔