راولپنڈی(این این آئی)بانی تحریک انصاف کی بہن علیمہ خان نے اپنے بھائی کے ساتھ جیل سپرنٹنڈنٹ کی بدتمیزی کا انکشاف کیا ہے۔سائفر کیس کی سماعت کے بعد اڈیالہ جیل کے باہر گفتگو میں علیمہ خان نے کہا کہ جیل سپرنٹنڈنٹ نے کورٹ روم میں بانی پی ٹی آئی سے بدتمیزی کی۔انہوں نے کہا کہ پوچھنے پر سپرنٹنڈنٹ نے بتایا کہ بانی پی ٹی آئی نے اسے تم کہہ کر مخاطب کیا۔

علیمہ خان نے کہا کہ یہ افسران بانی پی ٹی آئی کے ساتھ جیل میں بدتمیزی کرتیہیں تو عام انسانوں کے ساتھ کیا ہوتا ہوگا؟انہوںنے کہاکہ سپریم کورٹ میں 3 ہفتے سے درخواست لگی ہے، چیف جسٹس ہماری پٹیشن سنیں تاکہ بانی پی ٹی آئی الیکشن لڑ سکیں۔علیمہ خان نے کہا کہ اپیل کرتے ہیں بانی پی ٹی آئی کے خلاف سزا معطلی کی درخواست سن لیں، چاہتے ہیں یہ اپیل سنی جائے اور پورا ملک اس سماعت کو دیکھے۔