کراچی(این این آئی) صوبائی دارالحکومت کراچی میں بھارتی تعلیمی ڈگریوں پربھرتی ہونے والی خاتون منظر عام پر آگئی ہیں۔ذرائع نے بتایا کہ کراچی کے ضلع شرقی کی ڈسٹرکٹ ایجوکیشن افسر شاہانہ پروین کی بھارتی ڈگریوں پر ملازمت لینے کا انکشاف ہوا ہے، خاتون نے 1992 میں بطور انگریزی ٹیچر ملازمت حاصل کی تھی۔

ذرائع نے بتایا کہ بھارتی ڈگری کا معاملہ محکمہ اینٹی کرپشن کو بھجوایا گیا، درخواست میں شکایت کنندہ نے سوال کیا کہ کیا بھارتی ڈگریوں پر پاکستان میں ملازمت مل سکتی ہے؟اس سوال پر اینٹی کرپشن حکام نے جواب دیا کہ بھارتی ڈگری پرپاکستان میں ملازمت نہیں مل سکتی ہے۔