لاہور( این این آئی)پاکستان تحریک انصاف کے عہدیدار اور بلدیاتی رہنما عاطف گجر نے استحکام پاکستان پارٹی میں شمولیت کا اعلان کر دیا۔پی ٹی آئی رہنما عاطف گجر نے پارٹی کو خیر آباد کہہ کر آئی پی پی میں شمولیت کرتے ہوئے عبدالعلیم خان کی حمایت کا اعلان کیا۔

عاطف گجر کی جانب سیاپنے ڈیرے پراستقبالیے کا اہتمام بھی کیا گیا جس میں آئی پی پی کے ممبر سینٹرل ایگزیکٹو کمیٹی شعیب صدیقی کی قیادت میں پارٹی رہنماوں نے شرکت کی۔شعیب صدیقی نے عاطف گجر کی دعوت پر یو سی 165 گھوڑے شاہ کا دورہ بھی کیا ۔عاطف گجرکا کہنا تھا کہ آٹھ فروری تک عبدالعلیم خان اور آئی پی پی کی ٹیم بن کر دن رات محنت کریں گے۔