ڈیرہ غازی خان (این این آئی) سابق وزیر مملکت زر تاج گل غریب شہری کے لاکھوں روپے کھا گئیں، مقدمہ درج کر لیا گیا۔تفصیلات کے مطابق ڈیرہ غازی خان کے علاقے سخی سرور کے غریب شہری ظفر حسین نے بارڈر ملٹری پولیس تھانہ سخی سرور میں زرتاج گل کے خلاف ایف آر درج کروائی ہے۔

درخواست میں موقف اختیار کیا گیا ہے کہ اس نے زرتاج گل کو سول ہسپتال میں نوکری حاصل کرنے کیلئے بطور رشوت پانچ لاکھ روپے دیئے۔سابق وزیر مملکت نے نہ ہی نوکری لگوائی اور نہ ہی اس کے پانچ لاکھ روپے واپس دیئے، غریب شہری نے کہا کہ نوکری نہ ملنے پر زرتاج گل نے پانچ لاکھ روپے دینے سے انکار کر دیا۔