سلوا نیا(نیوز ڈیسک)سلوانیامیں اپنی نوعیت کی سب سے انوکھی اور مشکل ترین ریس کا انعقاد کیا گیاجس میںد نیا بھر سے ایتھلیٹس نے شرکت کی۔ریڈ بل کے تحت منعقد کی جانیوالی اس ایکسٹریم ماونٹین رننگ ریس میں حصہ لینے والے ایتھلیٹس کو 400میٹر کا فاصلہ انتہائی برق رفتاری سے دوڑتے ہوئے نہایت کم وقت میں طے کرنا تھا۔عام ریسوں سے ذرا مختلف ،ذرا ہٹ کے اس ریس کے شرکاءعمودی چٹان کی طرف انتہائی دشوار گزار اور خطرناک راستے پر دوڑتے نظر آئے۔ اونچائی کی طرف دشوار اور مشکل ترین فاصلہ طے کرنے کیلئے ریسرز اپنی ہمت کا امتحان لیتے نظر آئے۔انتہائی بلندی کی طرف جاتے ریمپ پر آگے کی جانب بڑھنے اور دوسروں پر سبقت لے جانے کیلئے دنیا بھر سے درجنوں کی تعداد میں شرکاءبے حد جدوجہد کرتے دکھائی دیے۔