اسلام آباد (این این آئی)محکمہ موسمیات نے جمعرات سے شہر قائد میں بارشوں کی پیش گوئی کردی۔محکمہ موسمیات کی جانب سے جاری بیان میں کہا گیا کہ جمعرات سے شہر میں بوندا باندی اور ہلکی بارشیں متوقع ہیں۔

محکمہ موسمیات کے مطابق بارش سے کراچی میں سردی کی شدت میں مزید اضافے کا امکان ہے۔بیان میں بتایا گیا کہ شہر کا موجودہ درجہ حرارت 17 ڈگری سینٹی گریڈ ریکارڈ کیا گیا ہے، کم سے کم درجہ حرارت 14 ڈگری سینٹی گریڈ کیا گیا ہے، زیادہ سے زیادہ درجہ حرارت 26 سے 28 ڈگری سینٹی گریڈ تک رہنے کا امکان ہے۔