نوابشاہ (این این آئی)سندھ کے شہر نوابشاہ میں جنگلی لومڑی کے حملے کے باعث متعدد شہری زخمی ہوگئے۔اطلاعات کے مطابق سندھ کے شہر نوابشاہ میں ایک جنگلی لومڑی شہر ی آبادی میں داخل ہوگئی،جنگلی لومڑی نے شہر ی آبادی میں داخل ہو کر شہریوں پر حملہ کردیا جس کی وجہ سے متعدد شہری زخمی ہوگئے۔
لومٹری کے حملے میں زخمی شہریوں میں بچے، جوان اور بوڑھے شہری شامل ہیں جب کہ جنگلی لومڑی کے شہر میں داخل ہونے سے شہریوں میں خوف ہراس پھیل گیا ہے۔خوف و ہراس کا شکار شہریوں نے صوبائی محکمہ وائلڈ لائف سے لومڑی کو فوری پکڑنے کا مطالبہ کیا ہے۔
