پھولنگر ( این این آئی)حبیب آباد میں پانچ روز سے لاپتا 17سالہ ذہنی معذور لڑکی کی لاش کھیتوں سے برآمد ہو گئی ۔بتایا گیا ہے کہ اقصی ریاض 5روز سے لاپتا تھی جس کی گزشتہ روز کھیتوں سے لاش برآمد ہوگئی ۔بچی کے والد نے میڈیا کو بتایا کہ بیٹی کو کئی روز سے تلاش کررہے تھے ، بچی کے والد کے مطابق یہ قتل نہیں ہے ،جس دن بچی لاپتا ہوئی اس دن شدید دھند تھی اور جب میں جائے وقوعہ پر پہنچا ہوں تو اس کی ڈیڈ باڈی بھی میں نے ہی اٹھائی ۔

اس نے ٹیلی فونک گفتگو میں مزید بتایا کہ کھیتوں میں پانی موجود تھا اور جب بچی دھند کے باعث کیچڑ میں گری تو اس سے دوبارہ نہیں اٹھا گیا اور شدید سردی کی وجہ سے اس کی موت واقع ہوئی،اسی وجہ سے بچی کا پوسٹ مارٹم نہیں چاہتا تھا مگر عزیز وںرشتہ دار وںکے اصرار پر پولیس نے بچی کی لاش کو پوسٹمارٹم کے لیے ہسپتال منتقل کردیا ہے۔تھانہ صدر پتوکی اور پولیس چوکی حبیب آباد مصروف تفتیش ہیں اور لاش ملنے کے واقعہ کی ہر پہلو سے تفتیش کی جارہی ہے ۔