اسلام آباد (این این آئی)محکمہ موسمیات نے جمعہ کو ملک کے بالائی وجنوبی علاقوں میں بارش کی پیشگوئی کردی۔ تفصیلات کے مطابق محکمہ موسمیات نے جمعہ کو ملک کے بالائی وجنوبی علاقوں میں بارش کی پیشگوئی کرتے ہوئے کہا کہ ملک کے بیشتر علاقوں میں موسم سرد اور خشک رہے گا، تاہم پنجاب اور خیبر پختونخوا کے میدانی علاقوں ،بالائی سندھ کے بیشتر علاقوں میں کا امکان ہے، اسلام آباد میں موسم سرد اور مطلع جزوی ابر آلود رہے گا۔کوئٹہ، ژوب،چمن اورپشین میں ہلکی بارش کا امکان ہے جبکہ ژوب اورچمن میں ہلکی برفباری کی پیشگوئی ہے، مری، گلیات اور خطہ پوٹھوہار میں موسم سرد رہے گا۔